Быел Җөридә Питрау буламы?

06.04.2017 16:43 | Хәбәрләр Принтерга

Быел Җөридә Питрау буламы?

2017 елның 24 мартында Татарстан Республикасы Президентының республикада "Сабан туе бәйрәмен уздыру көннәре турында"гы указы дөнья күрде.

Указ нигезендә быел татар халкының милли бәйрәме республиканың район үзәкләрендә (шул исәптән республика әһәмиятендәге шәһәрләрдә) 1-2 июльдә; Чаллы шәһәрендә – 8 июльдә; Татарстан башкаласы Казанда Питрау атнасында – 15 июльдә узачак. Питрауны алдан ук 15 июльгә планлаштырган мамадышлылар һәм керәшен җәмәгатьчелеге алдында сорау килеп туды. Ни өчен дигәндә, мамадышлылар күп еллар инде, башкала Сабантуенда үз эченә зур милли программа алган "керәшен авылы" коралар. 

Фикер алышканнан соң, бу ике зур чараны "аерырга" карар кылынды. Нәтиҗәдә, Мамадышта узучы “Питрау” республика керәшен мәдәнияте фестивале быел 14 июльдә, җомга көнне кичен булачак. Ә башка керәшен авылларында Питрау, Сабантуйлар белән тәңгәл килеп, көнендә узар, дип көтелә. 


Туганайлар


Будь в курсе последних событий! Читай tatmedia.ru


Фикереңне яз


Робот түгелдерсез бит?
Яңарту